مواصافات بعض أنواع الكتاكيت وسلالتها بالتفصيل

2020-11-23 13:05:25

 مواصفات بعض انواع الكتاكيت بالتفصيل سلالات وقوة التحمل والمميزات

1-الكب.. نقدر نقول انه من ارقى السلالات يتميز الكب بانه يعطى وزن فى الصدر عريض الصدر والمعروف انه اثقل عضو فى جسم الطائر هو الصدر بالبلدى كدة بيرمى معك وزن فى جميع الحالات وبعدين من الملاحظ فيه انك بتقدر وزن الطائر بالعين   مثلا 1500جم وما ان تضعه على الميزان تجده 1700 جم لحمه تحس انه تقيل هذه احلى ميزة فيه وميزة اخرة عنده استجابة سريعة للدواء فى اى مرض ، عيوبه حساس جدا للحرارة العالية خاصة فى الصيف تجده يموت من الحرارة العالية او الزحام والبرد فلا يتحمل البرد يعنى اللى عايز يربى الكب عايز رعاية

2- الروس.. من مميزاته قوة التحمل كتكوت قوى بيتحمل الحرارة العالية والبرد او نقصان الحرارة او الازدحام بالنسبة للحم فاقل من الكب لانه بيرمى لحم فى الوراك او الافخاد ثقله فى رجليه بخلاف الكب ثقله فى صدره بالنسبة للادوية استجابته بطيئة بخلاف الكب .

3- الهبر ..بالنسبة للاوزان ورمى اللحم الصدر والورك تجدهم عادى يتميز بانه ظهره عريض اما عن قوة التحمل والاستجابه للادوية والوزن العام للطائر فهو الوسط او بين منزلتين ما بين الكب والروس ....الهبر ريشه قليل وده بيخليه مفضل فى الصيف لتحمله الحراره وغير مفضل فى الشتاء او فى البرد عامه.

4- الافيان ..وافضله من واقع خبرتى الافيان 48..… وكتكوت الافيان عامه مقاومته   عاليه للامراض...وبيرمى اوزان معقوله ...لكن افيان الشركات فقط ..لان امهات الافيان المتحصنه بتدى كتكوت افيان قوى فعلا مقاوم للامراض ....بعكس افيان المفرخات الخاصه بالاهالى.....متعبه جداوبتصرف كتير ولا تعطى اى اوزان.

سعريا ...الكب دائما سعره اعلى من الافيان والروس والهبرد .

نصيحه للاطباء والمربين ...لاتخاطر بشراء كتكوت من اى سلاله

 مجهول المصدر...واحرص على انتقاء كتكوت الشركات ...هيوفر معاك

والله الموفق..

بقلم م . محمد عبدالحكم

مدير منطقة الوجه البحري ​

أقرأ المزيد حول دور المستخلصات النباتيه في تربية الدواجن