مجله عالم الدواجن
شركةGERMAN TECH

رئيس مجلس الادارة و رئيس التحرير : ماهر الخضيري
سعر الفراخ البيضاء اليوم في بورصة الدواجن الرئيسية، كالتالي: سجل متوسط سعر كيلو الفراخ البيضاء بين 88 - 89 جنيها. سعر الفراخ الساسو: سعر كيلو الفراخ الساسو 102 - 103 جنيهات. سعر الفراخ البلدي اليوم: سعر كيلو الفراخ البلدي يسجل 115 إلى 116 جنيها. سعر الفراخ الأمهات اليوم: سعر كيلو لحم أمهات الفراخ البيضاء 72 جنيهًا. استقر سعر كيلو الفراخ الطازجة عند 110 جنيهات مسجلا انخفاضا قدره 3 جنيهات في الكيلو، وفق بوابة الأسعار المحلية والعالمية التابعة لمجلس الوزراء. أسعار الكتاكيت اليوم الأربعاء في بورصة الدواجن الرئيسية: كتكوت أبيض شركات بين 27 - 36 جنيها . كتكوت ابيض قطعان بين 23 - 23.25 جنيها . كتكوت ساسو 18 - 19 جنيها. أسعار البانية والاوراك في الأسواق اليوم بلغ سعر كيلو البانية في محلات الفراخ بالأسواق الى مستوى بين 200 - 220 جنيها، بينما سجل سعر كيلو الأوراك 100 - 110 جنيهات، وقد يختلف السعر قليلا من منطقة لأخرى. أسعار كرتونة البيض اليوم في بورصة الدواجن الرئيسية: سعر كرتونة البيض الأبيض 150  -  151 جنيها سعر كرتونة البيض الأحمر بين 150  - 152 جنيها سعر كرتونة البيض البلدي بين 125  -  126 جنيها عالم الدواجن ننشر تطورات بورصة الدواجن فى الأسواق المصرية اليوم الخميس والتى تسجل استقرار الفراخ وكذلك البيض بعد تطورات وتحرك الأسعار للفراخ البيضاء على مدار الأيام القليلة الماضية وحدوث ارتفاعات متكررة فى الأسعار للدواجن. وسجلت أسعار الفراخ البيضاء تسليم أرض المزرعة مستويات تراوحت بين 92 و 93 جنيها ويصل سعر الكيلو للمستهلكين 103 إلي 110 جنيهات بعد ارتفاع ملحوظ الأيام الماضية جراء زيادة النفوق فى المزارع مع موجة الحر الحالية التي شهدتها البلاد. ويسجل سعر الفراخ الساسو تسليم أرض المزرعة بين 106 و107 جنيهات والفراخ الأمهات البيضاء تسليم أرض المزرعة مستويات بين 84 إلى 85 جنيها. ويسجل سعر كيلو الفراخ في الأسواق للمستهلكين حوالي 103 جنيهات للكيلو وبعض الأسواق 110 جنيها وقد يصل إلى 115 جنيها فى مناطق أخرى بحسب تكاليف ومكاسب التجار. في ذات السياق استقرت أسعار البيض فى السوق المصرى لتسجل أدنى مستوى منذ قرابة 7 أشهر ليبلغ سعر كرتونة البيض بالمزرعة 115 جنيها للأبيض و120 للأحمر و125 للبيض البلدى بعد انخفاض كبير مطلع الشهر الجارى عالم الدواجن تطرح وزارة التموين والتجارة الداخلية اللحوم والدواجن بمنافذ المجمعات الاستهلاكية استعدادا لعيد الأضحى المبارك 2024 بأسعار أقل من السوق المحلية بما يتراوح من 30 إلى 40%، حيث يتم طرح كيلو الدواجن المحلي والمستوردة بسعر 100 جنيه، والصدور بسعر 57 جنيها للطبق زنة 450 جراما، والأوراك 90 جنيها للطبق زنة 900 جرام. ونجحت وزارة التموين والتجارة الداخلية فى التعاقد على شراء كميات كييرة من السلع الغذائية لزيادة المخزون الاستراتيجى من كل المنتجات الغذائية تنفيذا لتوجيهات القيادة السياسية، كما توفر الوزارة السلع الأساسية على بطاقات التموين للمستفيدين من الدعم. عالم الدواجن

" ورجعنا تاني نقول هو بجد "

2019-05-07 11:12:00

اية التناقض دا. آية اللخبطة دي. فين الخطة  ؟ فين الرؤية؟  فين التصريحات المدوية لتشجيع

الاستثماروالأنتاج لزيادة فرص العمل للشباب والكبار لتحقيق الأمن الغذائي. لإيقاف نزيف الاستيراد. لتشجيع وزيادة الإنتاج المحلي ؟؟  بصراحة أشوف تصريحاتك أصدقك وأشوف قرارتك أتعجب !! الريس نفسه صرح ودعم في اجتماعات كتيره الإنتاج المحلي بشكل عام والدواجن  كثيفة العمالة  بشكل خاص . طب وبعدين ؟؟؟ خلال أقل من سنة ونص مضاعفة فاتورة  الكهربة ومعاملة المزارع زي القري السياحية وأية كمان مضاعفة  فاتورة  الميه على المزارع  زي الفنادق والملاهي طب وأية تاني ؟ فرض ضريبة عقارية  على المزارع كأنها قصور وفيلات.  بجد أه ؟!

طب في حاجة تاني أه أحتساب ضريبة 14%  على أضافات الاعلاف . والطامة الكبرى نرجع تانى نعفي المنتج الأجنبي والدواجن المستوردة من نسبة الحماية الجمركية. اللي الدولة نفسها وضعتها عشان تحمي المنتج المصري. اللى هي بتقول انها بتدعمه وبتشجعه . طب منين ؟؟

وهي بتزود علية الكهربة والمية والضريبة العقارية والقيمة المضافة  وكمان تتركه فريسة لمافيا المستورد

اللي في الاخر ح يجيب الفراخ  تاني وصلاحيتها تنتهي ويبيعوا التلاتة ب 50 جنية .

هو في أية بالظبط ؟؟!

أية التضارب دا .أية الازدواجية دي . الريس نفسه يأمر رئيس الحكومة بدعم المنتج المحلي وعدم السماح بأغراق المستورد له والحفاظ  على العملة الصعبة  والعمالة الوطنية .

ويأمر رئيس الوزارء بذلك .وفعلا  يشكل رئيس الوزراء لجنة المهمة الأولي لها تطوير الصناعة  والحفاظ على الإنتاج المحلي. وعدم دخول  المستورد ألا في الحاجة الشديدة .

ويطمن المربيين  اللي زودوا من أنتاجهم لشعورهم أن القيادة السياسية والحكومة تقف بجد مع الإنتاج  وتشجعه وتدعمه. ولكن للأسف تحكمنا سياسة الجزر المنعزلة . التموين يعشق الاستيراد

والمستوردين يهمهم منافعهم ومصلحتهم ولجان السفر والسياحة المدفوعة  بالكامل من مال الدولة.  لأ وأية  أصبحت لجنة تنظيم  وتشجيع صناعة الدواجن  ( بقدرة قادر ) همها الأول عرض طلبات الاستيراد والسعي والضغط لتنفيذها ؟؟؟

 بالله عليكم  عايز أفهم  هو بجد انتم عايزين استثمار وأنتاج. وبجد عايزين  تزيدوا من فرص العمل وبجد عايزين يبقي عندنا  أمن غذائي  وناكل من أيدينا ؟ وبجد عايزين نروح للظهير الصحراوي ونعمر الصحراء  بمزارع الدواجن ونخلق مجتمعات جديدة هناك؟؟؟؟  وبجد عايزين  نصدر كما كنا  ونجيب عملة صعبة  بدل ما نفقدها في الاستيراد ؟؟؟

ياريت نتفق على خطة ورؤية ، لكن كل يوم قرار و كل ساعة تصريح . وكل دا حسب ما كل مسؤل شايف . أتفقوا يا سادة عايزين ولامش عايزين . وبجد ولا.....؟؟

لازم يكون في وضوح في الرؤية وجدية في تنفيذ الخطة والعمل كفريق واحد ونبطل  التخبط وعدم المسئولية .

مصر في مرحلة عايزا الوضوح  والعمل الدءوب.

نرجع  تاني  ونقول  الاستيراد هو حل العاجز السهل. وعمره ما ح يبني أوطان؟

وبلدنا مش ح يبنيها غيرالإنتاج والانتاج وبس والمصيبة أننا  كلنا بنقول دا ونسمعه لبعض ليل ونهار

 وبعدين  نعمل حاجة تانية . كلنا بنحب البلد خلينا متفقين على كلمة سواء

 ونحبها  بالعمل والإنتاج ودعم اقتصادنا مش أقتصاد الاخريين وحماية عمالنا ومزارعنا .

مش عمال ومزارع  التنين.

ياريت  نستيقظ  ونتفق ونعمل . ولن نتحرك للأمام  ألا بالعمل والإنتاج . ويارب يكون هناك من يقف هذا الهراء ويلزم الجميع بتفعيل اقوالهم الى أفعال تخدم  العمل والإنتاج والاقتصاد.

                       تصبحوا على وطن ،،                                

                                         د. ثروت الزيني                         

       نائب رئيس الاتحاد العام لمنتجي الدواجن  

أقرأ المزيد عن مواجههة إرتفاع أسعار العلف






الاسم
البريد الالكترونى
التعليق
كود التحقق

جميع حقوق النشر محفوظة لدى مؤسسة عالم الدواجن

Powered By ebda3-eg.com